Հունգարիայում անցյալ հանգստյան օրերին ավելի քան 3 հազար ապօրինի փախստական է ձերբակալվել։ Այս մասին հայտնում է Teraz կայքը՝ վկայակոչելով Հունգարիայի ոստիկանությանը։
«Շաբաթ եւ կիրակի օրերին ոստիկանները ձերբակալել են 3287 ապօրինի փախստական։ Ներգաղթյալների հոսքը օր օրի աճում է։ Անցյալ հանգստյան օրերին ձերբակալվել էին 2 հազար ներգաղթյալ»,-ասված է հայտարարության մեջ։
Ներգաղթյալների ամենամեծ խումբը ձերբակալվել է անցյալ կիրակի Սերբիայի հետ սահմանին։ Այդ խմբում եղել է 659 մարդ, որոնց թվում՝ 77 երեխա, փոխանցում է «ՌԻԱ Նովոստի»-ն։