Թբիլիսիի քաղաքապետարանի կենդանիների մոնիթորինգի գործակալությունը բնակիչներին զգուշացրել է օձերի հարձակման վտանգի  մասին, փոխանցում է «Ինտերֆաքս»-ը։

«Վերջին 2 ամիսների ընթացքում գրանցվել է օձերի երեւան գալու 460 դեպք, որոնցից 252-ը՝ վերջին մեկ ամսում»,- հայտարարել է գործակալության տնօրեն Թեյմուրազ Փխալաձեն։

Հաղորդվում է, որ մինչ այս պահը բռնած օձերից ոչ մեկը թունավոր չի եղել։

Սակայն  իշխանությունները մայրաքաղաքի բնակիչներին խնդրում են առավելագույնս զգույշ լինել եւ ինքնուրույն օձերին չեզոքացնելու փորձեր չձեռնարկել։