Օգոստոսի 9-ին, ժամը 03.55-ին, «Նաիրի» բժշկական կենտրոնից ոստիկանության Կենտրոնականի բաժնում հաղորդում է ստացվել, որ քթոսկրի կոտրվածքով բուժօգնության է դիմել 29-ամյա Լուսինե Թ.-ն:
Ոստիկանության մամուլի ծառայությունից NEWS.am-ին հայտնում են, որ մեկնած օպերատիվ խմբին նա հաղորդել է, որ նույն օրը, ժամը 01.20-ին, «Սայաթ-Նովա» համալիրում, վիճաբանության ժամանակ, անհայտ անձը բռունցքով հարվածել է իր դեմքին եւ պատճառել նշված վնասվածքը:
Ձեռնարկված օպերատիվ-հետախուզական միջոցառումների շնորհիվ պարզվել է, որ հանցագործությունը կատարել է 23-ամյա Դավիթ Մ.-ն: Բացատրական աշխատանքների արդյունքում` նա ժամը 20.30-ին կամավոր ներկայացել է բաժին:
Նշանակվել է դատաբժշկական փորձաքննություն: Կատարվում է հետաքննություն: