Պենտագոնը որոշել է հանել Բահրեյնին ռազմական օգնություն տրամադրելու սահմանափակումները, որը մտցվել էր 4 տարի առաջ, երբ այս երկրում «արաբական գարնան» բողոքի ակցիաներն սկսվեցին:
ԱՄՆ պետքարտուղարության մամուլի քարտուղար Ջոն Քիրբին ընդգծել է, որ կառավարությունը նախկին պես կարծում է, որ Բահրեյնում իրավիճակը մարդու իրավունքների առումով հեռու է իդեալական լինելուց, բայց խոստովանում է, որ վերջին ժամանակներս Մանաման առաջընթաց է արձանագրել այդ ոլորտում:
Human Rights Watch-ի իրավապաշտպանները ամերիկյան իշխանությունների այս որոշումը խիստ քննադատության են ենթարկել՝ հիշեցնելով, որ Բահրեյնի բանտերը լիքն են քաղբանտարկյալներով, հաղորդում է BBC-ի ռուսական ծառայությունը:
Զանգվածային բողոքի ակցիաները Բահրեյնի սուննի կառավարության դեմ բռնկվել էին 2011-ի սկզբին: Անկարգությունների հետեւանքով զոհվել էին տասնյակ մարդիկ, հիմնականում շիաներ:
