Ավստրալիայի խորքերում բնակվող կարմրագլուխ տիմելիաների մոտ գիտնականները հաղորդակցման ունակություններ են հայտնաբերել, որոնք նման են մարդկանց հաղորդակցմանը: Մասնագետների խոսքով՝ այս թռչունները որոշակի հնչյունները համադրում են կոնկրետ «ուղերձում»:
Թռչնաբանները հայտնաբերել են, որ այս թռչունները հստակ արձագանքում են իրենց ցեղակիցների ձայների աուդիոձայնագրություններին: Եթե դրանցում «թռչելու կոչ» է հնչում, ձայնագրությունը լսող թռչունը վեր է նայում, իսկ սնվելու կոչի ժամանակ ունկնդիր-թռչունը հայացք է նետում բնի ուղղությամբ:
Հետազոտողները հույս ունեն, որ տիմելիաների մասնակցությամբ փորձերն իրենց կօգնեն հասկանալ մարդկային խոսքի զարգացումը:
