Բավարական Պասաաու քաղաքում բանվորները պատահաբար շուրջ 1 մլն եվրո արժողությամբ գանձ են գտել: Այն հայտնաբերվել է մասնավոր հողատարածքում շենքի պատերի քանդման ժամանակ:
Ըստ Mignews-ի, այն բաղկացած է «շվեյցարական բանկ» մակագրությամբ ոսկու ձուլակտորներից:
Ոստիկանությունն այժմ հետաքննություն է սկսել եւ փորձում է գտնել հարստության տիրոջը:
Իրավապահները նաեւ պետք է պարզեն, թե ով իրավունք ունի վերցնել այդ գումարը: Առայժմ ձուլակտորները պահվում են հողատարածքի սեփականատիրոջ չհրկիզվող պահարանում: