Սիլիկոնյան հովտում արդեն կարելի է «վարձով» կատվի ձագ վերցնել: Այս մասին գրում է The Huffington Post-ը: Այդպիսի ծառայություն է առաջարկում կենդանիների տեղական ապաստանը:
ԱՄՆ-ի ապաստաններն ու փրկարարական խմբերն արդեն հույսը դնում են կամավորների օգնության վրա, որոնք ժամանակավորապես կստանձնեն կենդանիների հոգսը: Դա անհրաժեշտ է, որպեսզի կենդանիները կարողանան, օրինակ, շփվել կամ սեր ստանան:
Ըստ Gazeta-ի, Humane Society Silicon Valley-ի մամուլի քարտուղար Ֆիննեգան Դաուլինգն ասել է, որ կատուների «վարձույթը» Սան Ֆրանցիսկոյում այդպիսի միակ հասանելի ծառայությունն է, քանի որ անվճար է:
«Մենք սնունդ, անասնաբույժի ծառայություններ եւ կատուներ ենք տրամադրում: Դուք պարզապես նրանց կանոնավոր կերպով բերում եք ստուգման»,- ասել է Դաուլինգը:
Բացի այդ, եթե կենդանիների ժամանակավոր տերերին կատվի ձագերը դուր գան, կարող են իրենց մոտ պահել ընդմիշտ: