Գամբիայի առաջնորդ Յայա Ջամեն ոչ երկիմաստ հանդես է եկել նույնասեռականների դեմ, սպառնալով կտրել նրանց բոլորի կոկորդը:
«Ես կսպանեմ բոլոր այն մարդկանց, որոնք Գամբիայում անում են դա: Եթե այս երկրում տղամարդը ցանկանա ամուսնանալ մեկ այլ տղամարդու հետ, մենք կվերցնենք նրան ու այլեւ ոչ ոք նրան չի տեսնի»,-հայտարարել է նախագահը երկրով մեկ իր շրջագայության ժամանակ:
Նախորդ տարվա նոյեմբերին Ջամեն օրենք է ստորագրել, որով մահապատիժ է նախատեսվում ծանրացնող հանգամանքներում նույնասեռականության համար:
Իրենց կյանքի մնացած մասը ճաղերի հետեւում կարող են անցկացնել ՄԻԱՎ/ՁԻԱՀ-ով վարակված մարդիկ, գեյերը, լեսբուհիները, ինչպես նաեւ նրանք, որոնք առաջին անգամ են ոչ ավանդական սեռական կապ ունեցել:
Մինչ այդ օրենքը Գամբիայում գեյերին սպառնում էր մինչեւ 14 տարվա ազատազրկում:
