Ռուսաստանի վարչապետ Դմիտրի Մեդվեդեւը հեռախոսով ՀՀ վարչապետ Հովիկ Աբրահամյանի հետ քննարկել է հայ-ռուսական հարաբերություններին վերաբերող հարցեր, ինչպես նաեւ ընդգծել տարբեր ոլորտներում երկկողմ փոխգործակցությունն ակտիվացնելու կարեւորությունը: Այս մասին հաղորդում է ՌԴ կառավարության կայքը:
Հեռախոսազրույցը տեղի է ունեցել հայկական կողմի նախաձեռնությամբ:
«Երկրների վարչապետները քննարկել են հայ-ռուսական հարաբերությունների արդիական հարցերը… Դմիտրի Մեդվեդեւը եւ Հովիկ Աբրահամյանը ընդգծել են տարբեր ոլորտներում երկկողմ փոխգործակցությունն ակտիվացնելու կարեւորությունը»,-ասված է հաղորդագրության մեջ:
Բացի այդ, զրուցակիցները քննարկել են հունիսի 25-26-ին Երեւանում տեղի ունեցած Տնտեսական համագործակցության հարցերի միջկառավարական հանձնաժողովի նիստի արդյունքները: