Հայաստանի ՏԿԱԻՆ-ում, այսօր՝ հուլիսի 2-ին, ժամը 02.29-ին ահազանգ է ստացվել, որ Երեւան-Աշտարակ խճուղու սկզբնամասում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ բախվել են «Տոյոտա Պրադո» մակնիշի 59 OR 555 (վարորդ՝ 23-ամյա Ա. Պ.) եւ «ԲՄՎ X5» մակնիշի LS 333 համարանիշների (վարորդ՝ 25-ամյա Ն. Պ.) ավտոմեքենաները:

Մինչ հրշեջ-փրկարարների կանչի վայր հասնելը «Տոյոտա Պրադո» մակնիշի ավտոմեքենայի վարորդ Ա.Պ.-ն հոսպիտալացվել է, ուղեւորներ` 20-ամյա Է. Ի.-ն  եւ 22-ամյա Ա. Չ.-ն տեղի ուժերով տեղափոխվել են «Արմենիա» ՀԲԿ, որտեղ Ա. Պ.-ն մահացել է:

Բժիշկները Է.Ի.-ի առողջական վիճակը գնահատում են ծանր, իսկ Ա.Չ.-ինը` միջին ծանրության:

Հրշեջ-փրկարարները անջատել են ավտոմեքենաների մարտկոցները եւ փակել գազի բալոնների փականները: