ՀՀ Արագածոտնի մարզի Արագած համայնքում հուլիսի 23-ին տեղի կունենա «ԼԵՌՆԱՅԻՆ ՄՈՐՈՒ ՓԱՌԱՏՈՆ»` «Եվրասիա» Բարեգործական Հասարակական Կազմակերպության նախաձեռնությամբ, ինչպես նաեւ ՀՀ Արագածոտնի մարզի Արագած համայնքի եւ ՀԱՊԿ Ինստիտուտի Հայաստանի ազգային ներկայացուցչության ակտիվ մասնակցությամբ եւ նախապատրաստական – կազմակերպչական աշխատանքերին իրականացմամբ կազմակերպության «Արագածոտնի մարզում զբոսաշրջության, մշակույթի, հայ ավանդական արժեքների զարգացման» ծրագրի շրջանակներում:
Փառատոնում ընդգրկված են տարբեր բաժիններ, այդ թվում`
• Հարթակ, որտեղ մասնակիցները կցուցաբերեն իրենց հմտությունները տարբեր տեսակի համեղ մուրաբաներ, հյութեր, թեյեր, խմորեղեն պատրաստելով, ինչպես նաեւ կանցկացվի մրցույթ, որի արդյունքում լավագույն հրուշակագործը կստանա մրցանակ:
• Հարթակ փոքրիկների համար մանկական զարգացման մասնագիտական կենտրոնի ղեկավարությամբ: Կլինեն խաղեր, նկարչություն, ակվագրիմ, տարբեր տեսակի զվարճանքներ մանուկների համար:
• Ցուցահանդես-վաճառք, որտեղ կներկայացվեն վարպետների ձեռագործ աշխատանքներ, ինչպես նաեւ կլինեն առեւտրի համար նախատեսված տաղավարներ, որտեղից ցանկացողները կարող են գնել մորի, տվյալ համայնքին բնորոշ ազգային ուտեստներ, ձեռքի աշխատանքներ եւ այլն:
Փառատոնը կուղեկցվի համերգային ծրագրով`Արագած համայնքի տարբեր պարային համույթների մասնակցությամբ:
