ԱՄՆ բնակիչ Ջերեմի Սթեմփերը որոշել է հիշողությունը կորցրած կնոջ համար երկրորդ անգամ հարսանիք կազմակերպել: CBS News-ը տեղեկացնում է, որ Ջասթիս Սթեմփերը՝ Ջերեմիի կինը, ամուսնությունից մեկ ամիս անց լուրջ վթարի մեջ է ընկել, ինչի արդյունքում ստացել է ծանր մարմնական վնասվածքներ եւ կորցրել է հիշողությունը:
Ամուսինը լավ իմանալով, որ կնոջ համար հարսանեկան արարողությունը շատ մեծ նշանակություն ուներ, որոշել է կրկին կազմակերպել արարողությունը: Ջերեմին սկսել է հանգանակություն հավաքել ամուսնության համար:
Ամուսնության օր է նշանակվել օգոստոսի 1-ը, առաջին ամուսնությունից ուղիղ մեկ տարի անց: Հանգանությամբ արդեն հավաքվել է 5 հազար դոլար:
