Ռուսաստանից սպառազինություն գնելու համար նախատեսված վարկային պայմանագիրը միանշանակ ձեռնտու է մեզ համար: Այս մասին, այսօր՝ հուլիսի 2-ին, ԱԺ արտահերթ նստաշրջանում հայտարարել է ԲՀԿ խմբակցության պատգամավոր Միքայել Մելքումյանը:
«Բոլորին հայտնի է, որ զենքը բորսայական ապրանք չէ եւ այստեղ գների տարբերությունը շատ բարձր կարող է լինել: Այսինքն, եթե մենք չենք գնում մեկ երկրից, դեռեւս փաստ չէ, որ համանման զենք կգնենք մյուս երկրից: Եթե անգամ գնենք, չի բացառվում, որ մի քանի անգամ թանկ գնով: Հետեւաբար, այս պայմանագիրը մեզ համար շատ ձեռնտու է, եւ մեր խմբակցությունը կողմ է քվեարկելու»,-հայտարարել է Մելքումյանը:
