Ֆրանսիայի մայրաքաղաք Փարիզում՝ Էյֆելյան աշտարակի վրա, արված ամուսնության առաջարկը նվաճել է սոցցանցերի օգտատերերի համակրանքը, հայտնում է Fox News-ը: Հունիսի վերջին ամերիկուհի Ջեն Հերդ Բոնը իր ֆեյսբուքյան էջում անհայտ զույգի լուսանկարներ էր հրապարակել, որոնցում երեւում է, թե ինչպես է Էյֆելյան աշտարակի դիտակետի վրա տղամարդը կնոջն ամուսնության առաջարկ անում:
Բոնի խոսքով՝ լուսանկարներն արվել են հունիսի 21-ին: Ամերիկուհին նշել է, որ ինքն ցանկանում էր այդ զույգին փոխանցել իրենց լուսանկարները, սակայն հերթը շատ խիտ է եղել, եւ նրանք կորել են մարդկանց հոսքի մեջ: Համացանի միջոցով լուսանկարչուհին փորձում է գտնել նրանց, փոխանցում է Gazeta-ն: