MasterCard-ն առաջարկում է առցանց-գնումների հաստատման համար գաղտնաբառի փոխարեն սելֆի օգտագործել:
Ըստ RG-ի, դեմքի սքանավորումը կփոխարինի համացանցում գնում կատարելիս գաղտնաբառի ներմուծման սովորական գործողությանը: Առաջարկի հեղինակների կարծիքով, ժամանակակից սերնդին դուր կգա այդ տեխնոլոգիան: Գնումն ավարտելու համար անհրաժեշտ կլինի պարզապես սմարթֆոնով լուսանկարվել, այլ ոչ թե հիշել գաղտնաբառը:
Գաղտնաբառի փոխարեն կենսաչափական տվյալների օգտագործումը ներկայում կիրառվում է, օրինակ, iPhone-ով, եւ ֆինանսական որոշ ընկերություններ շարունակում են ներդնել այս միտումը: