Հայաստանի ՏԿԱԻՆ-ում, այսօր՝ հուլիսի 4-ին՝ ժամը 00:44-ին, ահազանգ է ստացվել, որ Երեւան-Գյումրի 83-րդ կմ-ի մոտակայքում «ՎԱԶ-2101» մակնիշի ավտոմեքենան շրջել, կա զոհ, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռեւս չբացահայտված հանգամանքներում «ՎԱԶ-2101» մակնիշի 34 QR 231 համարանիշի ավտոմեքենա կողաջրջվել է ավտոճանապարհի երթեւեկելի հատվածի եզրին, ավտոմեքենայի ուղեւորը տեղում զոհվել է:
Մինչ հրշեջ-փրկարարների կանչի վայր հասնելը ավտոմեքենայի վարորդ՝ 33-ամյա Մ. Մ.-ն հոսպիտալացվել է Թալին քաղաքի ԲԿ, բժիշկները տուժածի առողջական վիճակը գնահատել են բավարար:
Հրշեջ-փրկարարներն ավտոմեքենայից դուրս են բերել անձը չպարզված ուղեւորի դին, հանձնել շտապօգնության ավտոմեքենային, հոսանքազրկել այն, այնուհետեւ ուղղել են ավտոմեքենան եւ կատարել ճանապարհի լվացման աշխատանքներ: