Ալավերդիում քաղաքապետի ընտրությունները վաղուց ավարտվել են, մինչդեռ դրանց ընթացքի վերաբերյալ հրապարակված տեղեկություների առթիվ հետաքննություն է արվում: NEWS.am-ի տեղեկություններով՝ Ալավերդիի քաղաքապետի թեկնածու Արթուր Աբգարյանի նախընտրական շտաբի պետը լրատվամիջոցներից մեկին հայտնել էր, թե քարոզարշավի ընթացքում իրենց են դիմել տարբեր քաղաքացիներ եւ պատմել, որ իշխանական թեկնածու Կարեն Փարեմուզյանի կողմնակիցների կողմից իրենց վրա ճնշումներ կան` նպաստից զրկելու, բնակարանի էլ. մատակարարումը դադարեցնելու սպառնալիքների տեսքով: Այս նյութերը ՀՔԾ-ն ուղարկել է ոստիկանություն, հանգամանքները պարզվում են, կատարվում է հետաքննություն: