Հայաստանում հուլիսի 5-ին նշում են սահմանադրության օրը։ 1995 թվականի այդ օրը երկրի Հիմնական օրենքի նախագիծը ներկայացվեց համաժողովրդական հանրաքվեի: Այն ժամանակվա ընդդիմությունը հանրաքվեի արդյունքները կեղծված համարեց, սակայն պաշտոնական տվյալներով Սահմանադրությունն ընդունվեց: Դա անկախ Հայաստանի առաջին Սահմանադրությունն էր:
Եվրոպայի Խորհրդի առջեւ ստանձնած պարտավորությունների համաձայն, 2005-ին Սահմանադրությունում փոփոխություններ կատարվեցին, որոնք ուղղված էին խորհրդարանի լիազորությունների ընդլայնմանը:
Հիմնական օրենքի համաձայն՝ Հայաստանում կառավարման կիսախորհրդարանական համակարգ է: Օրենսդիր իշխանությունն իրականացնում է Ազգային ժողովը, գործադիր իշխանությունը՝ Կառավարությունը: Երկրի անկախության, տարածքային ամբողջկանության եւ անվտանգության երաշխավորը հանդիսանում է ՀՀ նախագահը:
