Սերբիան հետաքրքրություն է ցուցաբերել գազի մատակարարման ուղիների դիվերսիֆիկացման, այդ թվում՝ «Թուրքական հոսքի» նկատմամբ։ Այս մասին գրում է «ՌԻԱ Նովոստի»-ն՝ վկայակոչելով Ռուսաստանում Սերբիայի դեսպան Սլավենկո Տերզիչին։
«Էներգետիկ անվտանգության հարցը բացառապես կարեւոր է Սերբիայի համար։ Մենք մեծ հույսեր էինք կապում «Հարավային հոսքի» հետ։ Այն բանից հետո, երբ նախագիծը կասեցվեց, մենք հիմա նոր աղբյուրներ ենք փնտրում։ Այս պահին Սերբիան նոր հնարավորություններ է քննարկում, հատկապես ռուսական գազը Սերբիա հասցնելու համար։ Դրանից մեկն էլ «Թուրքական հոսքն» է»,- հայտարարել է դեսպանը։
