Բրիտանացի գիտնականները պարզել են, թե ինչպես է պետք ճիշտ շոյել կատուներին։ Հետազոտության ընթացքում գիտնականները վերլուծել են, թե ինչպես են ընտանի կենդանիները արձագանքում իրենց մարմնի տարբեր մասերի հպումներին եւ համեմատել են կատուների մոտ իրենց տերերի շոյանքից եւ օտար մարդու հպումներից առաջացած զգացողությունները, գրում է Gazeta-ն։

Գիտնականները նշում են, որ ոչ մի դեպքում չի կարելի շոյել կատուների պոչը. նրանք չեն սիրում, երբ իրենց մարմնի այդ մասին հպվում են ինչպես իրենց տերերը, այնպես էլ օտար մարդիկ։ Կատուները ամենամեծ հաճույքը ստանում են աչքերի եւ ականջների միջեւ ընկած հատվածը շոյելուց։