Իրանի միջուկային ծրագրի շուրջ համաձայնություն ստորագրելու օրը Թեհրանի դեմ ընդունած բոլոր ֆինանսական եւ տնտեսական պատժամիջոցները կհանվեն: Այս մասին IRIB պետական հեռուստառադիոընկերության եթերում հայտարարել է Իրանի փոխարտգործնախարար Աբաս Արաղչին:
«Համաձայնության օրը ԵՄ, ԱՄՆ եւ ՄԱԿ ԱԽ բոլոր տնտեսական եւ ֆինանսական պատժամիջոցները կչեղարկվեն, եւ մենք միջոցներ կձեռնարկենք մեր պարտավորությունները կատարելու համար: Մենք բանակցությունների մեկնարկից ի վեր դեռ երբեք այսքան առաջ չէինք գնացել»,- նշել է Արաղչին, փոխանցում է «ՌԻԱ Նովոստի»-ն: