Ռուս քննիչները հարցաքննել են ընդդիմադիր գործիչ Բորիս Նեմցովի սպանության գործով մեղադրյալներից մեկի սպասուհուն՝ Զարեմային, հաղորդում է «Կոմերսանտը»:
Սպասուհու խոսքով, Ռուսիկ են անվանել ոչ թե Ռուսլան Գերեմեեւին,այլ նրա վարորդին՝ Ռուսլան Մուհուդինովին: «Չեչենները խնդրել են նրան հենց այդպես կոչել՝ Ռուսլան եւ ռուսիկ, որպեսզի չշփոթեն»,-ասել է կինը, որն աշխատել է Գերեմեեւի տանը:
Նա նաեւ պատմել է այդ բնակարանում ապրողների եւ հյուրերի մասին, որոնք կապ են ունեցել Նեմցովի գործի հետ:
Նշվում է, որ վկայի ցուցմունքների շնորհիվ Ռուսլան Գերեմեեւը կարող է հանվել կասկածյալների ցանկից: