Այսօր` օգոստոսի 11-ին, ֆուտբոլի Հայաստանի երիտասարդական հավաքականը Վազգեն Սարգսյանի անվան Հանրապետական ստադիոնում Եվրոպայի առաջնության ընտրական նախավերջին հանդիպումն անցկացրեց Վրաստանի թիմի հետ: Հետաքրքիր ու դիտարժան խաղում գրանցվեց հինգ գոլ: 36-րդ րոպեին հաշիվը բացեցին հյուրերը: 11 մետրանոցը դիպուկ իրացրեց Ժանո Անանիձեն:
49-րդ րոպեին Մատե Վացաձեն կրկնապատկեց հաշիվը: 76-րդ րոպեին 11 մետրանոցի իրավունք ստացավ արդեն Հայաստանի հավաքականը. Հենրիխ Մխիթարյանը չվրիպեց: Սակայն ընդամենը երեք րոպե անց Վրաստանի հավաքականը հաշիվը դարձրեց 3:1: Նիկա Կվեկվեսկիրին գրավեց Հայաստանի հավաքականի դարպասը: 86-րդ րոպեին Վալտեր Պողոսյանը կրճատեց հաշվի տարբերությունը, սակայն հավասարեցնել հաշիվը մեր թիմը չկարողացավ եւ Վրաստանի հավաքականը, որն այս խաղից առաջ մրցաշարային աղյուսակում հետ էր Հայաստանից, բարձրացավ երրորդ տեղ:
| 2-րդ խումբ | Խ | Հ | Ո | Պ | Մ | |
| 1 | Շվեյցարիա | 9 | 5 | 2 | 2 | 17 |
| 2 | Թուրքիա | 8 | 4 | 1 | 3 | 13 |
| 3 | Վրաստան | 8 | 3 | 3 | 2 | 12 |
| 4 | Էստոնիա | 10 | 3 | 3 | 4 | 12 |
| 5 | Հայաստան | 9 | 3 | 1 | 5 | 10 |
| 6 | Իռլանդիա | 8 | 1 | 4 | 3 | 7 |
