Բանգլադեշի մայրաքաղաք Դաքքայում եւ հարավ-արեւելյան Չիտտագոնգ քաղաքում ոստիկանությունը 1.2 տոննա պայթուցիկ է առգրավվել:
Տեղի ոստիկանության ներկայացուցչի փոխանցմամբ, մի քանի ստուգումների ընթացքում, ընդհանուր առմամբ, 4 կասկածյալ է ձերբակալվել:
Ըստ ՏԱՍՍ գործակալության, իրավապահները պայթուցիկի խոշոր խմբաքանակը հայտնաբերել են հուլիսի 5-ին ձերբակալված 3 անձից ստացված տեղեկատվության համաձայն: Նրանցից 2 կգ պայթուցիկ սարքերի համար նախատեսված նյութեր էին առգրավել:
Հուլիսի 2-ին Բանդլագեշում ձերբակալել էին «Ալ-Քաիդա» ահաբեկչական խմբավորման տեղական կառույցի ղեկավարին: Ոստիկանության տվյալներով, ծայրահեղականները պատրաստվում էին ձերբակալություններին ահաբեկչությամբ պատասխանել: Սակայն «Ալ-Քադիա»-ի եւ պայթուցիկ պահելու համար ձերբակալվածների միջեւ կապի մասին առայժմ ոչինչ չի հաղորդվում: