Կիպրոսի ժողովուրդը Հունաստանի հետ համերաշխ է եւ կաջակցի պարտքի վերակազմավորման հարցում, որպեսզի պարտքը կառավարելի դառնա։ Այս մասին հայտարարել է Կիպրոսի նախագահ Նիկոս Անաստասիադիսը՝ մեկնաբանելով հանրաքվեի արդյունքները։
«Առաջին բանը, որ ուզում են ընդգծել, հույն ժողովրդի որոշման նկատմամբ հարգանքն է։ Երկրորդ, ես պետք է ընդունեմ վարչապետի դրական մոտեցումը այն հարցում, որ հանրաքվեի «ոչ»-ը ոչ մի կերպ չի նշանակում եվրոգոտուց դուրս գալ»,-ասել է նախագահը, փոխանցում է «ՌԻԱ Նովոստի»-ն։
Նա հույս է հայտնել, որ Հունաստանի վարչապետը, եվրոպական ղեկավարները եւ վարկատուները կգործադրեն բոլոր ջանքերը կարճ ժամկետում համաձայնության գալու համար։
«Ես ուզում եմ պարզաբանել, որ մենք աջակցում ենք հույն ժողովրդի ջանքերին՝ ձեւակերպել պարտքը վերակազմավորելու պայմաններն այնպես, որ այն կառավարելի լինի»,-ասել է Անաստադիսը։