Հանձնաժողովը պարզում է S7 ավիաընկերության Boeing 767-300 օդանավում առաջացած անսարքության պատճառը, ինչի պատճառով երկուշաբթի ինքնաթիռը չի կարողացել առաջին փորձից վայրէջք կատարել Սոչիի օդանավակայանում: Այս մասին «Ինտերֆաքս»-ին հաղորդել են «Բազել Աէրո» ընկերության մամուլի ծառայությունում:
«Մոսկվայի Դոմոդեդովո օդանավակայանից ուղեւորված ինքնաթիռը Սոչիի օդանավակայանում վայրէջքի ժամանակ ստիպված է եղել երկրորդ պտույտը կատարել»,- հաղորդել է մամուլի ծառայությունը: Ըստ Gazeta-ի, նախնական տվյալներով, միջադեպի պատճառը շասսիի հետ կապված խնդիրն է:
Մոսկվայի ժամանակով 16:06-ին ինքնաթիռը վայրէջք է կատարել Սոչիի օդանավակայանում: Օդանավում 246 ուղեւոր է եղել, այդ թվում՝ 30 երեխա: Ոչ ոք չի տուժել:
Երկուշաբթի երեկոյան նույն ինքնաթիռով պետք է Մոսկվա ուղեւորվեր 193 մարդ: Մամուլի ծառայության ներկայացուցչի խոսքով, ներկայում S7 ավիաընկերությունը փորձում է լուծել նրանց փոխադրման հարցը: