Հորդանանում անվտանգության ծառայությունները ձերբակալել են մի տղամարդու, որին կասկածում են իրանական ահաբեկչական խմբավորման հետ կապի մեջ: Այս մասին հաղորդում է Associated Press գործակալությունը՝ վկայակոչելով Հորդանանի պետական լրատվամիջոցներին:
Ոստիկանությունը ենթադրում է, որ տղամարդը պատրաստվում էր մի շարք ահաբեկչություններ իրականացնել թագավորության տարածքում:
Ըստ Gazeta-ի, անվտանգության ծառայությունը նրա մոտից 45 կգ բարձրորակ պայթուցիկ նյութեր է առգրավել, ինչը վերջին տասնամյակի ընթացքում ռեկորդային ցուցանիշ է Հորդանանի համար:
Նշվում է, որ կասկածյալը կապ ունի «Բեյթ ալ-Մաքդիս» կոչվող իրանական խմբավորման հետ: Երկուշաբթի գործով առաջին դատալսումն է անցկացվել: Ներկայում Արեւմտյան Հորդանանը պատրաստության բարձր մակարդակի է բերվել՝ հնարավոր ահաբեկչական հարձակումներին դիմակայելու համար:
