Հուլիսի 5-ին, ժամը 01.55-ին, ոստիկանության Երեւան քաղաքի վարչության օպերատիվ կառավարման կենտրոնից Մալաթիայի բաժնում հաղորդում է ստացվել, որ իրենց է զանգահարել 25-ամյա Անի Ե.-ն եւ հայտնել, որ Հրազդանի կիրճում գտնվող ռեստորաններից մեկում գողացել են ընկերուհու պլանշետը եւ գումար:

Ոստիկանության մամուլի ծառայությունից հայտնում են, որ մեկնած օպերատիվ խումբը պարզել է, որ ռեստորանային համալիրի 2-րդ հարկի սրահից գողացել են 26-ամյա Մարիամ Մ.-ի պայուսակում գտնվող պլանշետը եւ 56.000 դրամ` պատճառելով 210.000 դրամի վնաս:

Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ նշված գողությունը կատարել է 31-ամյա Անդրանիկ Խ.-ն, ով բացատրական աշխատանքների շնորհիվ՝ հուլիսի 6-ին, ժամը 19.00-ին, ներկայացել է բաժին եւ տվել խոստովանական բացատրություն:

Քննությունը շարունակվում է: