Չինաստանում ոստիկանությունը կալանավորել է քիմիայի դասախոսին, որը 10 տարի շարունակ ղեկավարել է մեթիլոնի արտադրությամբ զբաղվող ընկերությունը։ Մեթիլիոնը ամֆետամինի դասին պատկանող թմրանյութ է։

Ինչպես ենթադրում է հետաքննությունը, տարիների ընթացքում դասախոսը հարյուրավոր կգ թմրանյութ է արտադրել, որը միլիոնավոր դոլարների շահույթ է բերել Արեւմուտքում դրանց վաճառքից։

ՆԳՆ տեղեկությունների համաձայն՝ Չժան անունով դասախոսը նման միտք է հղացել Ավստրալիայում ապրելու տարիներին, գրում է BBC-ի Ռուսական ծառայությունը։