Աֆղանստանի նախագահ Աշրաֆ Գանին հայտարարել է, որ հուլիսի 7-ին թալիբների հետ պաշտոնական բանակցություններ են սկսվել, հաղորդում է Reuters-ը:
Բանակցությունները տեղի են ունեցել Պակիստանի մայրաքաղաք Իսլամաբադում, դրանց արդյունքների մասին մանրամասներ չի հաղորդվում:
Պակիստանի վարչապետ Նավազ Շարիֆը տեղի ունեցած բանակցությունները բեկում է անվանել: Նա նաեւ նախազգուշացրել է խաղաղ կարգավորման սպասվող դժվարությունների մասին: Նրա կարծիքով, միջազգային հանրությունը պետք է համոզվի, որ ոչ ոք չի ձգտում ձախողել բանակցային գործընթացը:
