Հայաստանում անշարժ գույքի շուկայում գործարքներն աճում են: Այսօր` օգոստոսի 12-ին լրագրողների հետ հանդիպման ժամանակ նման տեսակետ հայտնեց ՀՀ կառավարությաննն առընթեր անշարժ գույքի կադաստրի պետական կոմիտեի նախագահի տեղակալ Աշոտ Մուսայանը, սակայն դժվարացավ կոնկրետ թվեր բերել։
Ստիպված ենք լրացնել պետպաշտոնյայի խոսքերը Ազգային վիճակագրական ծառայության հրապարակած տվյալներով։ Այսպես՝ 2010 թ. առաջին կիսամյակում ՀՀ-ում իրականացվել է անշարժ գույքի 7361 օտարում, որից 5602 առուվաճառք, 1695 նվիրատվություն եւ 64 փոխանակում։ 2009 թ. նույն ժամանակահատվածում օտարման գործարքների թիվը կազմել է 6320, որից 4255 առուվաճառք, 1997 նվիրատվություն եւ 68 փոխանակում։ Սույն վիճակագրությունից երեւում է, որ օտարման գործարքները աճել են` ի հաշիվ առուվաճառքի գործարքների, միեւնույն ժամանակ նվազել են նվիրատվություններն ու փոխանակումները։