Երեւանի Կենտրոն վարչական շրջանում, այս պահի դրությամբ 312 ընտանի կենդանի է հաշվառված: Հաշվառումն իրականացրել է Կենտրոն վարչական շրջանի աշխատակազմը: Այս մասին NEWS.am-ի թղթակցին հայտեցին Երևանի քաղաքապետարանի եկամուտների հաշվառման եւ գանձման վարչությունից: Թե հաշվառված կենդանիներից քանի՞սն է շուն, քանի՞սը` կատու, կամ այլ չորքոտանի, պարզ չէ:
Ինչպես հայտնի է, Երեւանի ավագանին 2010 թ. տեղական տուրքերի եւ վճարների դրույքաչափերը սահմանելիս որոշել էր, որ այսուհետ այն քաղաքացիները, ովքեր ընտանի կենդանիներ են պահում` շուն, կատու եւ այլն, պետք է տեղական տուրք վճարեն: Այն կազմում է 5000 դրամ եւ գանձվում է տարին մեկ անգամ: Քաղաքապետարանից հայտնեցին նաեւ, որ մինչ օրս ընտանի կենդանիներ պահելու թույլտվության համար տեղական տուրք չի գանձվել:
