GMC ընկերությունը ներկայացրել է 2016 մոդելային տարվա Sierra փիքափը: Փոփոխվել է նորույթի թափքի առջեւի հատվածը, այն նաեւ լուսադիոդային լուսարձակներ է ստացել:
Ըստ Motor-ի, մոդելի տեղեկատվական-ժամանցային համակարգը կկարողանա աշխատել Apple-ի CarPlay հավելվածի հետ, որն ապահովում է iPhone սմաթֆոնների հետ աշխատանքը: Մասնավորապես, գործառույթը թույլ կտա հեռախոսի էկրանին դուրս բերել հավելվածը եւ այն կառավարել ձայնային հրահանգների օգնությամբ:
GMC Sierra-ն կառաջարկվի շարժիչի մի քանի տարբերակով. 4.3 լիտր ծավալով 285 ձիաուժ հզորությամբ V6 շարժիչ, 5.3 լիտրանոց 355 ձիաուժ հզորությամբ V8, ինչպես նաեւ 6.2 լիտր ծավալով V8 շարժիչ՝ 420 ձիաուժ հզորությամբ:
