Լեգենդար շանսոնյե Շառլ Ազնավուրն օգոստոսի 29-ի երեկոյան իր նվագախմբի ուղեկցությամբ համերգ կտա բելգիական Քնոքե քաղաքի խաղատան բեմում: Այդ մասին հաղորդում է բելգիական «Ticketmaster» կայքը, հավելելով, որ դա առանձնահատուկ համերգ կլինի, տեղերը սահմանափակ կլինեն՝ միայն 450 տեղ:
Ազնավուրի համար Քնոքեի խաղատան համերգը նոստալգիայի հետ է կապված, քանի որ նա բազմիցս ելույթ է ունեցել խաղատան լեգենդար դահլիճում, իսկ նրա անձնական լուսանկարիչ Հենք վան Քուվենբերգհը Քնոքե քաղաքից է, եւ, անկասկած նպաստել է այդ որոշման ընդունմանը:
Նշենք, որ մեծագույն շանսոնյե Շարլ Ազնավուրը 2015թ-ի մայիսին դարձել է 91 տարեկան: Այնուամենայնիվ, նա շատ ակտիվորեն համերգներով հանդես է գալիս տարբեր երկրներում , իսկ մայիսի սկզբին թողարկել է նոր «Encores» ալբոմը:
