Հակառակորդի կողմից 1,5 տարի առաջ հրազենային վնասվածք ստացած ժամկետային զինծառայող Գեւորգ Եղիազարյանն արդեն ստացել է վիզան եւ շուտով կմեկնի Գերմանիա՝ անհրաժեշտ բուժումը ստանալու: Այս մասին NEWS.am-ի թղթակցին ասաց վիրավորված զինծառայողի մայրը՝ Նաիրա Գալստյանը:
«Անհրաժեշտ բոլոր փաստաթղթերն ունենք, մնում է տոմսերը: Հուլիսի 30-ից հետո ցանկացած օր կարող ենք մեկնել: Տեսնենք՝ որ օրը Գեւորգը ֆիզիկապես պատրաստ կլինի, այդ օրն էլ կմեկնենք»,- ասաց տիկին Նաիրան:
Հիշեցնենք, որ Գեւորգ Եղիազարյանը վիրավորվել է 2011թ. դեկտեմբերի 27-ին, վնասվել է նրա ողերն ու ողնաշարը: Արդեն 3 տարի զինծառայողը տեղաշարժվել չի կարողանում: Հարազատների խոսքով՝ նրա բուժումը հնարավոր է միայն արտասահմանում:
Գեւորգ Եղիազարյանին օգնելու համար Յունիբանկ-ում բացվել էր հաշվեհամար հոր՝ Էդիկ Եղիազարյանի անունով: Անհրաժեշտ 56 հազար ԱՄՆ դոլարից 43 հազարը հավաքվել էր հանգանակություններով: Մնացած մասը մայիսի 7-ին փոխանցել էին կառավարության անդամները:
