Առնվազն ութ մարդ է զոհվել եւ 26-ն անհետ կորել Հնդկաստանի հյուսիսում գտնվող Հիմաչալ-Պրադեշ նահանգում ուղեւորատար ավտոբուսի գետն ընկելու հետեւանքով, հաղորդում է Hindustan Times պարբերականը:
Միջադեպը տեղի է ունեցել նախօրեի երեկոյան: Մասնավոր ավտոբուսը Փենջաբ նահանգից ուղեւորվում էր Մանիկարան բնակավայր, որտեղ գտնվում է սինքհերի ուխտատեղին: Ավտոբուսի սրահում եղել է 55 ուղեւոր:
«Ավտոբուսը մինչ օրս չի հայտնաբերվել: Շատ զոհերի մարմինները հնարավոր է, գտնվում են կամ ավտոբուսում կամ էլ գետի ջրի հոսքը դրանք արդեն քշել տարել է», - թերթին հաղորդել է քաղաքի ադմինիստրացիայի ղեկավար Ռաքեշ Քանվարը:
Եվս 21 վիրավոր տեղափոխվել է Քուլուի հիվանդանոց: Ըստ բժիշկների՝ վիրավորների վիճակը ծայրահեղ ծանր է, նրանցից շատերն անգիտակից են:
Դեպքի վայրում աշխատում են փրկարարները, ոստիկանությունն ու կամավորները:
