Եթե Հայաստանին պետք է միանալ որեւէ պետության, ապա Ռուսաստանին: «Gallup International» միջազգային սոցիոլոգիական ասոցիացիայի հայկական ներկայացուցչության կողմից անցկացված հարցման արդյունքների համաձայն, այդպես է կարծում հարցվածների 59 տոկոսը: Հարցումն անցկացվել է Երեւանում եւ մարզերում, այս տարվա մայիսի 5-13-ն ընկած ժամանակահատվածում, որին մասնակցել է 1105 մարդ՝ առանձնազրույցների միջոցով:
Միաժամանակ, 2014-ի նոյեմբերին այդ ցուցանիշը եղել է էլ ավելի բարձր՝ 63 տոկոս: Մարտին այն նվազել է մինչեւ 55 տոկոսի, ապա նորից մի փոքր բարձրացել է:
Հարցվածների 28 տոկոսը կարծում է, որ Հայաստանը չպետք է միանա որեւէ երկրի (2014-ի նոյեմբերին այց ցուցանիշը կազմել է 27 տոկոս, 2015-ի մարտին՝ 23 տոկոս):
Փոխարենը աճել է ԵՄ-ին միանալու կողմնակիցների թիվը. եթե 2014-ի նոյեմբերին ԵՄ-ին միանալու կողմնակիցները եղել են 7 տոկոս, ապա 2015-ի մայիսին այդ ցուցանիշը 15 տոկոս է եղել, ինչը սակայն մայիսին նորից նվազել է մինչեւ 8 տոկոսի:
