2014-ի նոյեմբերից մինչեւ այս տարվա մայիս ընկած ժամանակահատվածում Հայաստանում նվազել է իրենց ապահովված համարող մարդկանց թիվը: Այս մասին են վկայում «Gallup International» միջազգային սոցիոլոգիական ասոցիացիայի հայկական ներկայացուցչության կողմից անցկացված հարցման արդյունքները:

2014-ի նոյեմբերին հարցին, թե «Ինչպե՞ս եք գնահատում ձեր ընտանիքի նյութական ապահովվածությունն այս պահին», 5 տոկոսը պատասխանել է՝ «շատ վատ», 18 տոկոսը՝ «վատ», 62 տոկոսը՝ «միջին», 13 տոկոսը՝ «լավ», «2 տոկոսը՝ «շատ լավ»:

2015-ի մարտին ցուցանիշներն զգալիորեն փոխվել են: Նույն հարցին «շատ վատ» է պատասխանել 11 տոկոսը, «վատ»՝ 20 տոկոսը:  Դրա հաշվին կրճատվել է «միջին» (57 տոկոս) եւ «լավ» (10 տոկոս) պատասխանների թիվը:

2015-ի մայիսին պատասխաններն ավելի հոռետեսական են դարձել: «Շատ վատ» է պատասխանել 13 տոկոս, «վատ»՝ 22 տոկոսը: Նվազել է նաեւ «միջին» պատասխանողների թիվը (53 տոկոս): Մի փոքր աճել է «լավ» խպատասխանողների թիվը (12 տոկոս), փոխարենը վերացել է  «շատ լավ» պատասխանը: