Իրանը պաշտպանում է այն դիրքորոշումը, որի համաձայն միշտ փորձում է լավ հարաբերություններ պահպանել հարեւանների հետ: Այդ մասին, այսօր՝ հուլիսի 24-ին, մամուլի ասուլիսի ժամանակ հայտարարել է Հայաստանում Իրանի արտակարգ եւ լիազոր դեսպան Մոհամադ Ռեյիսին՝ պատասխանելով այն հարցին, արդյոք կարո՞ղ է պատժամիջոցների վերացումը ազդել Ղարաբաղյան հարցի շուրջ Իրանի դիրքորոշման վրա:
Դեսպանի խոսքով՝ Իրանի համար առաջնահերթություններից մեկը հանդիսանում է հարեւանների անվտանգությունն ու կայունությունը:
«Հակամարտությունները պետք է լուծվեն խաղաղ ճանապարհով», -հայտարարել է դեսպանը, հավելելով, որ միջազգային նորմերը դրա համար լավագույն հնարավորությունն են ընձեռում:
