Իրաքի Մոսուլ քաղաքում «Իսլամական պետության» գրոհայինները առնվազն 120 մարդու են մահապատժի ենթարկել, եւս 350 մարդու գերի են վերցրել, հաղորդում է DPA-ն՝ վկայակոչելով նահանգներից մեկի ղեկավար Ալիսա ան Նաջաֆիին:
«Որքան բնակիչները ավելի ու ավելի շատ են մերժում ԻՊ-ին, մահապատիժների ու առեւանգված անձանց թիվը անշեղորեն աճում է քաղաքի տարբեր հատվածներում»,-հայտնել է ան Նաջաֆին:
Մահապատիժներն իրականացվել են գլխին արձակված կրակոցներով: Զոհերից մի քանիսին մահապատժի են ենթարկել մի քանի ամիս գերության մեջ պահելուց հետո, հաղորդում է Gazeta-ն:
Նահանգապետի խոսքով, գերիների մեծ մասը ոստիկանության եւ բանակի սպաներ են, ընտրական հանձնաժողովների աշխատակիցներ եւ պատգամավորի նախկին թեկնածուներ:
