Հայաստանի ավտոմեքենաների շուկայում որոշակի լճացում է նկատվում: Այս մասին NEWS.am-ի հետ զրույցում հայտարարեց «Ամբերդ Լոջիսթիքս» ընկերության ղեկավար Վաչե Մկրտչյանը:
«Բանկերն ավելի ու ավելի դժվարությամբ են սպառողական վարկեր տրամադրում: Այսպիսի իրավիճակ է 2014 թվականի դեկտեմբերից (դոլարի հանդեպ դրամի թուլացումից ի վեր - խմբ.): Դա տեսնում ենք մեքենաների օրինակով, որոնք Հայաստան ենք ներկրում ԱՄՆ-ից: Մեքենաների շուկայում, այդ թվում՝ օգտագործված, այս մի քանի ամիսներին Հայաստանում պասիվություն ենք նկատում: Դա վերաբերում է նաեւ մյուս ապրանքներին»,- հայտարարեց Մկրտչյանը:
