Google ընկերությունը որոշել է փոխել իր մարտավարությունը եւ հրաժարվել այլ հաշիվները Google+-ին պարտադիր կապելու գաղափարից։ Այս մասին ասված է ընկերության բլոգում։ Փոփոխությունները կսկսվեն YouTube-ի օգտատերերից։
«Առաջիկա ամիսների ընթացքում Google-ի հաշիվը կլինի միակը, որով դուք կարող եք տվյալներ փոխանակել, շփվել եւ Google-ի տիրույթում այլ գործողություններ իրականացնել։ YouTube-ը կլինի առաջինը, որին կվերաբերեն այս փոփոխությունները»,- ասված է բլոգում։
Google+-ի հաշիվը YouTube-ին պարտադիր կապելու գործառույթը կիրառվել էր 2013թ. սեպտեմբերին։ Նոր ալիք ստեղծելու եւ մեկնաբանություններ գրելու համար վիդեոհոսթինգը պահանջում էր Google+-ում նշված իրական անունները։
Սակայն այս նորարարությունը բլոգերների եւ YouTube-ի օգտատերերի կողմից բացասաբար էր ընդունվել, գրում է Gazeta-ն։