«Նաիրիտ» գործարանի պարտքը կազմում է 126 մլրդ դրամ։ Այս մասին հուլիսի 28-ին խորհրդարանում կայացած հանդիպման ժամանակ հայտարարեց ՀՀ էներգետիկայի եւ բնական պաշարների նախարար Երվանդ Զախարյանը։

ԱՊՀ Միջպետական բանկի առջեւ ունեցած պարտքը կազմում է 79 մլրդ դրամ, գործարանը Երեւան ՋԷԿ-ին պարտք է 23 մլրդ դրամ, ՀԷՑ-ին՝ 1.2 մլրդ, «Գազպրոմ Արմենիային»՝ 162 մլրդ դրամ։ Աշխատավարձերի պարտքը կազմում է 5.4 մլրդ դրամ, պետական բյուջեի առաջ ունեցած պարտքը՝ 10 մլրդ դրամ։ Զախարյանի խոսքով՝ բոլոր պարտքերը, բացի աշխատավարձերի պարտքերից, սառեցված են։

Հիշեցնենք, որ 2006թ. պետությունը «Նաիրիտ»-ի բաժնեմասերի 90%-ը 40 մլն դոլարով վաճառել էր բրիտանական Rhinoville Property Limited կոնսորցիումին։ ԱՊՀ Միջպետական բանկը 2006-ին Rhinoville Property Limited ընկերության համար 70 միլիոն դոլարի բանկային գիծ էր բացել, որը ընկերությունը չէր փակել։ Մոսկվայի արբիտրաժային դատարանը 2014թ. հունվարին բավարարել էր Միջպետական բանկի մասին հայցը` հայկական «Նաիրիտ» գործարանի սեփականատիրոջից պարտքեր դիմաց 90% բաժնեմասերը բռնագրավելու հայցը։ Մնացած 10%-ը պատկանում է Հայաստանի կառավարությանը։