Անցյալ տարվա նոյեմբերին էլեկտրամոբիլների մրցույթում 0-ից 100 կմ/ժ արագություն զարգացնելու ռեկորդ էր սահմանվել։
«Ֆորմուլա ուսանող» մրցույթի ժամանակ Ցյուրիխի շվեյցարական բարձրագույն տեխնիկական դպրոցի, Լյուցերնի արվեստի եւ կիրառական գիտությունների համալսարանների ուսանողների պատրաստած մեքենան 100 կմ/ժ արագությունը զարգացրել էր 1.785 վայրկյանում։
Անցել է ավելի քան կես տարի, եւ գերմանացի ուսանողները կարողացել են գերազանցել այս ցուցանիշները։ Շտուտգարտի համալսարանի թիմի հավաքած GreenTeam էլեկտրամոբիլը այդ արագությունը զարգացրել է 1.779 վայրկյանում, գրում է F1news.ru-ն։
Մեքենայի ղեկին նստած է եղել Փրիսքա Շմիդը։