Բրազիլիայի Ռիո դե Ժանեյրո նահանգում Հայոց ցեղասպանության ճանաչման նախաձեռնությամբ հանդես էր եկել Ինժեներական ակումբի (Clube de Engenharia) նախագահ Ֆրենսիս Պողոսյանը՝ Հայոց ցեղասպանություն վերապրած Հակոբ Պողոսյանի որդին, որն այդ քաղաքի հայկական համայնքի ակտիվ անդամ է։ Այս մասին ասել է Բրազիլիայի հայ դատի հանձնախմբի քաղաքականության եւ միջազգային հարաբերությունների բաժնի տնօրեն Ջեյմս Օննիկ Թամջյանը։
Ինչպես փոխանցում է Agenciа Prensa Armenia-ն, Clube de Engenharia-ն 1880թ. հիմնադրված կազմակերպություն է եւ ակտիվորեն մասնակցում է ազգային զարգացման քննարկումներին։ Մայիսի 22-ին Ֆրենսիս Պողոսյանը պաշտոնական նամակ էր գրել Բրազիլիայի արտգործնախարար Մաուրո Լուիս Վիեյրա Լակերին՝ կոչ անելով Բրազիլիային պաշտոնապես ճանաչել հայոց ջարդերը որպես ցեղասպանություն։ Արդյունքում Բրազիլիայի փոխարտգործնախարար Խորխե Պիկիանին հունվարին ներկայացրել էր օրինագիծը, որն հավանություն էր ստացել անցյալ շաբաթ։
Հիշեցնենք, որ Ռիո դե Ժանեյրոյի նահանգը հուլիսի 24-ին ճանաչել էր Հայոց
Ցեղասպանությունը եւ ապրիլի 24-ը սահմանել էր որպես Ցեղասպանության զոհերի հիշատակի օր։ Մի քանի ամիս առաջ Ցեղասպանության ճանաչման բանաձեւ էր ընդունել նաեւ Բրազիլիայի Սենատը։