Զիմբաբվեի Հվանգե ազգային արգելոցը զրկվել է իր գլխավոր աստղից: Ամերիկացի ատամնաբույժը կաշառքի դիմաց անօրինական որսորդության սեանս է կազմակերպել, որի ժամանակ սպանել ու գլխատել է Սեսիլ առյուծին:
Զիմբաբվեի իշխանությունները պնդում են, որ ամերիկացի զբոսաշրջիկ Ուոլթեր Փալմերը տեղի զբոսավարներին վճարել է 55 հազար դոլար, որպեսզի իրեն թույլ տան որսի դուրս գալ: 13-ամյա առյուծի կլխատված ու մաշկազերծ արված մարմինը հայտնաբերվել է Հվանգե ազգային արգելոցի սահմաններից դուրս:
Ուոլթեր Փալմերը Մինեսոթա նահանգի Մինեապոլիս քաղաքի բնակիչ է, մասնագիտությամբ ատամնաբույժ: Նրա պաշտոնական կայքի տեղեկատվության համաձայն Փալմերն ամուսնացած է, ունի երկու երեխա: Ենթադրաբար, Փալմերն ու իր հանցակից զբոսավարները խայծի օգնությամբ դուրս են բերել Սեսիլին պաշտպանված տարածքից, որից հետո զբոսաշրջիկն աղեղնազենքից կրակել է առյուծի գլխին: Սեսիլը միանգամից չի սատկել: Նրա վզին ամրացված GPS-ցուցիչի տվյալների համաձայն, կենդանին 40 րոպե փորձել է փախչել հետապնդողներից, սակայն ի վերջո գնդակահարվել է հրացանի կրակոցից, հաղորդում է Nat-geo-ն:
Զիմբաբվեի վայրի բնության պաշտպանության կազմակերպության ղեկավար Ջոնի Ռոդրիգեսի խոսքով, Փալմերին կարող է սպառնալ մինչեւ 10 տարվա ազատազրկում: Զբոսավարը նույնպես կալանավորվել է:
Սեսիլ առյուծը Հվանգեի ազգային արգելոցի գլխավոր աստղն էր: Տեղի բնակիչները նրան համարում էին ամենագեղեցիկ կենդանիներից մեկը: