Ադրբեջանում բարձրաստիճան սպաների խումբ է կալանավորվել՝ կոռուպցիայի մեղադրանքով:

Ինչպես հաղորդում է haqqin.az-ը, Ադրբեջանի ՊՆ մամուլի ծառայությունն արդեն հաստատել է բարձրաստիճան սպաների խմբի կալանքի մասին տեղեկատվությունը: Նրանք Ադրբեջանի ՊՆ գլխավոր ռազմական տեսչության աշխատակիցներ են:

Հաղորդագրության մեջ ասվում է, որ այդ սպաների մասնակցությամբ կոռուպցիոն գործարքների վերաբերյալ նյութերը հավաքվել են ՊՆ աշխատակազմում եւ փոխանցվել գլխավոր դատախազության կոռուպցիայի դեմ պայքարի գլխավոր վարչությանը:

Նշվում է, որ բարձրաստիճան սպաները կոպիտ խախտումներ են թույլ տվել իրենց ծառայողական պարտականությունները կատարելիս: