Հյուսիսային Կորեայի նախագահ Կիմ Չեն Ընը ներկա է եղել հանրապետության ՌՕՈւ զորավարժություններին, որոնք նա որակել է որպես ԱՄՆ-ի եւ Հարավային Կորեայի դեմ պատերազմի նախապատրաստություն։
Ինչպես հայտնում է Կորեայի կենտրոնական հեռագրային գործակալությունը, Կիմ Չեն Ընը այդ մասին հայտարարել է Կալմայի ռազմաբազա այցելելու ժամանակ։
Զորավարժությունը անցկացվել էր 1950-1953թթ. Կորեական պատերազմի ավարտին կնքած հաշտության 62-րդ տարեդարձի կապակցությամբ։
«Այս մրցույթը պետք է արմատական շրջադարձ կատարի պատերազմի նախապատրաստությանն ուղղված զորավարժություններում՝ հաշվեհարդար տեսնելու ամերիկացի իմպերիալիստների եւ նրանց հարավկորեական խամաճիկների հետ, որոնք հակամարտություն են բորբոքում հայրենակիցների միջեւ»,- մեջբերում է գործակալությունը ԿԺԴՀ առաջնորդին, գրում է ՏԱՍՍ-ը։