Ֆիննական Rovio ընկերությունը հայտարարել է Angry Birds հանրահայտ բջջային խաղի երկրորդ մասի թողարկման մասին։

Խաղի հիմնական մեխանիզմն ու սյուժեն, առաջին մասի համեմատ, ուժեղ չեն փոխվել։ Խաղացողներին առաջվա պես առաջարկում են կամիկաձե թռչունների օգնությամբ քանդել ամրոցներ, որոնք բնակեցված են վայրի խոզերով։

Խաղի շարունակությունն ունի բարելավված գրաֆիկա եւ սաունդթրեք։

Angry Birds 2-ի շնորհանդեսի ժամանակ «Ռովիո» ընկերության գործադիր տնօրեն Ռանտալան հայտնել է, որ խաղի նոր տարբերակը մշակվել է երեք տարվա ընթացքում։ «Այն ունի նոր  ռազմավարական լուծումներ ու նոր հերոսներ, ամենօրյա մարտեր ու շատ այլ հետաքրքիր բաներ», -նշել է նա, BBC-ի ռուսական ծառայությունը։

Խանութներում գնորդներին զգուշացնում են այն մասին , որ խաղի կոնտենտի մի մասը վճարովի է։

Առաջին Angry Birds-ը թողարկվել է 2009 թ․ ու դարձել է ամենահայտնի բջջային հավելվածներից մեկը։ Angry Birds-ի գոյության պատմության ընթացքում այն ներբեռնել են 2․5 մլրդ օգտատերեր։ Խաղից բացի Angry Birds բրենդով այսօր վաճառվում են գրասենյակային պիտույքներ, սպասք, հագուստ ու խաղալիքներ։

2014 թ Ռովիոյի եկամուտները կազմել են 158․3 մլն դոլլար, ինչը 9 տոկոսով քիչ է նախորդ տարվա եկամուտից։