ՀՀ կառավարությունը հաստատել է զբոսաշրջային ավտոբուսների հավաստագրման կարգը։ Այս մասին համապատասխան որոշումը կայացվել է հուլիսի 30-ին կայացած նիստում։ Հավաստագրումը լինելու է կամավոր՝ նպատակ ունենալով օգնել զբոսաշրջիկներին կատարել տեղեկացված ընտրություն։
Հավաստագրման չափանիշներն են. ավտոբուսի սրահի արտաքին եւ ներքին գրավիչ տեսք, արտաքինից ներկն ու սրահի երեսպատումը չպետք է ունենան քերծեր ու ճաքեր։ Նստելատեղերի թիկնակները պետք է բավարար վիճակում լինեն։
14-18 եւ ավելի տեղ ունեցող ավտոբուսների համար նստատեղի լայնությունը պետք է լինի համապատասխանաբար 40 եւ 43 սմ։ Իսկ դրանց միջեւ հեռավորությունը՝ 70 եւ 72 սմ, շարքերի միջեւ հեռավորությունը՝ 60 եւ 55 սմ։
Ավելի քան 18 նստատեղ ունեցող ավտոբուսների համար անհարժեշտ է ոտքերի հենակ, բացովի սեղանիկ։ Ավելի քան 40 տեղանոց ավտոբուսների համար նախատեսված է սանհանգույց եւ լվացարան։ Սառնարանը պարտադիր է բոլոր ավտոբուսներում։
14-18 տեղ ունեցող ավտոբուսներում պետք է լինի մեկ մոնիտոր, իսկ 18-ից ավել նստատեղ ունեցող ավտոբուսներում՝ ամեն հինգ շարքի համար մեկ մոնիտոր։
Հավաստագրման հանձնաժողովը բաղկացած է 9 հոգուց։